Ne përmbushim misionin tonë “Për Një Jetë të Shëndetshme” duke ofruar një gamë të gjerë produktesh farmaceutike me cilësi të lartë dhe të përballueshme me dhe pa recetë, të cilat kontribuojnë në një cilësi më të mirë të jetës.

Historia e Krka në Shqipëri filloi në fund të viteve 1990 me hapjen e një zyre përfaqësuese në Tiranë në vitin 1998. 27 vite më vonë, barnat e Krka gëzojnë një reputacion të lartë në vend. Krka është e njohur si nga publiku profesional ashtu edhe nga ai jo-profesional, falë një rrjeti të mirë-organizuar marketingu. Ekipi i punonjësve është i ri, i motivuar dhe i gatshëm për sfidat e së ardhmes.

Ndër vite kemi krijuar dhe mbajtur lidhje të ngushta me mjekët, farmacistët dhe partnerët e biznesit, të cilët jemi të përkushtuar t’i mbajmë edhe në të ardhmen.

Krka ka 22 punonjës në Shqipëri, shumica e të cilëve punojnë në terren. Ne jemi ndër kompanitë kryesore farmaceutike gjenerike në treg. Në terma të shitjeve në volum, jemi të dytët në treg, menjëherë pas prodhuesit vendas. Produktet më të rëndësishme janë Atoris (atorvastatin), Ultop (omeprazole), Lorista (losartan), Ciprinol (ciprofloxacin) dhe Enap (enalapril). Ne jemi të pranishëm në treg me barnat me recetë dhe pa recetë, më e rëndësishme e këtyre të fundit është Septolete.